Nga vreshtat në gotë

Pas fermës, në kodrat që harkohen drejt lindjes, shtrihen vreshtat e familjes. Dyqind mijë metra katrorë hardhi, të ndara në dy punë të ndryshme.

Cabernet dhe Merlot

Këto dy varietete shkojnë për verën e hapur të restorantit , atë që vjen në karafë, jo në shishe me etiketë. Vjelja nis në gjysmën e dytë të gushtit dhe mbaron, në një vit normal, para mesit të shtatorit.

Shesh dhe Muskat

Rrushi vendas nuk shkon në verë. Shkon në raki. Èshtë një vendim i marrë shumë vite më parë dhe i pandryshuar që atherë: Sheshi dhe Muskati e japin më të mirën e tyre pas distilimit, jo para tij.

Nga vreshtat në gotë, pa kaluar nga askund tjetër.

Pse ka rëndësi

Një restorant që blen verë nuk e di se si ishte viti. Ne e dimë. Një gusht i thatë jep verë më të përqendruar; një shtator me shi jep më të lehtë. Kjo është arsyeja pse verën e shtëpisë nuk e përshkruajmë kurrë me të njëjtat fjalë dy vite rresht.